close
一早起身，執好行李就要到樓下Check Out，再放好行李在酒店，馬上出去作最後衝刺。
出到去食乜好呢，結果都係去左吉野家。
呢間吉野家無普通豚肉飯食，叫左厚切豚肉飯。
吉野家隔離就係拉麵橫丁。
食完野周圍行下，不過太早，時間又唔多，所以無乜野再買到，行番酒店途中見到呢兩個細路企係度唔郁，行去睇下，原來假的。
好可愛BB祙，買左3對
行左一陣，11點幾，返酒店拎行李，走人。
去到巴士站已經有人等埋。
呢架巴士，車程大約1個鐘頭15分鐘，但係冬天著D衫又厚，有少少焗焗地，架車又要站站停，站又多，燈位又多，要去到北廣島先上公路，感覺搭左好耐。
好在呢班車唔多人，可以坐得鬆動Ｄ，若果仲要兩個人坐埋一齊，會仲辛苦，搭火車真係會舒服好多。
終於都落車了。
去到機場，先去洗手間，將D厚衫除哂佢。個洗手間好正，間格好大。
換埋衫出黎點半都未到。櫃枱要點半先開。
排隊Check in完，行下街先。
一黎就有間虊房，旁邊手信店有卡樂Ｂ賣，不過有限買。
再過去就是叮噹樂園
當然有精品店。
跟住有間CAFÉ
出面係賣叮噹人形燒。
有個兒童樂園。
叮噹過後是熊仔博物館及精品店。
有間好大的Royce 朱古力工房。
另一邊係開放式，展示朱古力製作過程。
再過點是專門店。
再行到Hello Kitty 店。 只係夠時間行到去Hello Kitty，若果可以行到去國內線仲好，果邊好多野食賣。
有軟雪糕食。
入到閘，有一間Duty Fee，一間買手信，唔好諗住入到黎先買卡樂Ｂ啦，入面沽清一盒都無。
諗住入閘先食野，點知入到黎係無野食。～建議，可以早D先到國內線客運站果邊，又多野行，又多野食。
結果決定係小食亭食杯麵。
食D野先上機。
終於都要離開了。
全站熱搜
留言列表
