close
期待已久的一個行程，今天終於可以出發，由計劃去至今天大大話都都有差不多一年時間。上年１月度就決定過年去北海道，打去旅行社訂機票，一如以往，都是說未有位，到5 6月左右，機位確認了，10月開始就上網訂房，11月就要出機票，出機票同時本來想訂套票，但平價的都己Full，最後決定只出機票，行程就此定了。
跟住，等了成3個月，終於都踏入2月，旅程快要開始，點知，北海道十勝地區在２月４號發生了6.5級地震
怎麼辦？怎麼辦？ 再多觀察兩日，見都沒甚麼大問題，馬上Pack行李
初三的機場是多麼的繁忙，7點鐘，已經成個機場都係人。
搭的是直航，國泰機9點15分起飛。
眾所周知去北海道都要5個幾鐘頭機，再加埋一個鐘時差，去到都差唔多天黑。所以第一日例牌無乜行程。
飛機餐，今日我選了通粉，另一個是生炒豬肉飯，沙律十分難食，由於今日是初三，所以餐上特別多了２隻奇華的角仔。
一落機，第一次用國際線機場，以往都係轉機用國內線，原來國際線比國內線細很多，只得２隻行李帶，取過行李後，馬上去買巴士票出札幌。點解唔搭JR?因為酒店係近狸小路，不在JR 那邊，所以搭巴士最妥當。
一落車，大風雪，要行，要行幾個街口，地圖顯示行４分鐘，但又拎住行李，又落雪，結果行了，１０分鐘才到逹。
第一站，大通公園附近的南一条通，去南一条通是因為札幌雪祭剛好昨天就結束，就只有南一条通有一棵棵的白色銀樹。
到白色銀樹影完相後，就馬上去すすきの店的牛角食放題。
我們點了食の放題及飲の放題。飲の放題有張點單俾你點野飲。
第一Round，點左2杯生啤，2杯可樂，1杯梅酒，1杯マツコソ 的 ビーチマソゴー(Beach Mango)
日本的牛角是炭火燒烤，好味好多。
一開始就會問你要幾多個牛角飯，跟住自動先送上沙律，枝豆。
跟住就自己再狂點野食，因為限時90分鐘，飲野限時120分鐘，所以要食得快喔。
食到最後奉上甜品，雪糕芭芺
食完飽飽後，先去行下藥房，再到心愛的激安行街，行完返酒店，返到酒店仲可以買到蛋糕食，正，好攰，快Ｄ休息Zzzzzzzzzzzzzzzzz。
全站熱搜
留言列表
